Siberia ke ilaqay Arctic city mein darya Daldykan ka pani achanak khooni rang jaissa ho gaya, jis ke baad pani ko dekhnay walay herat zada reh gaye. Darya ke qareebi ilaqon mein bohat si factories hain aur muqami afraad ka kehna hai ke ba-asar shakhs norlikas ki company ki janib se sanati fuzla darya mein chorra gaya, Jis ke nateejay mein pani surkh ho gaya, taham is waqt darya ke surkh honay ka maamla pur asraar soorat ikhtiyar kar gaya, jab ke maholiyati nigaran idaara asal wajah maloom karne mein nakaam hogaya
Doosri janib norlikas ki company neh muqami media mein tasaveer jari ki hain, jis mein dekha gaya hai ke company aur darya ke darmain kaafi faasla hai aur company ke qareeb se guzarnay wala pani apni asli haalat mein hai lekin thora door faaslay par pani surkh dikhayi deta hai .
Idhar maholiyati nigaran idaara darya ke pani ka rang surkh honay par shadeed pareshan hai. Kyun ke ab taq pani ke surkh honay ki wajohaat maloom nahi ki ja sakain taham hakkaam ka kehna hai ke darya ki fazai nigrani ki jarahi hai taa kay pani ke surkh honay ki wajohaat ka pata chalaya ja sakay.
0 comments: