Bollywood king ShahRukh ny Bharti film industry ke sanju baba ko kharaaj-e-tehseen paish karte hue kaha ke agar mein film 'muna bhai' mein kaam karta to sunjay dutt se behtar kaam kar hi nahi sakta tha.
Bollywood ki maaya naz film 'muna bhai' ny Sunjay Dutt ko carrier main kamyabi ki mazeed seeriyan charhne mein madad di aur film mein un ki adakari ko film beeno ki janib se be hadd pasand kya gaya, jab ke adakar ny bhi film mein apni adakari se khoob insaaf kya lekin Sunjay Dutt se pehlay film ke producer ny king Khan ko is film mein kaam ki paish kash ki thi jisay unhon ny thukra diya tha .
Shah rukh Khan se jab film muna bhai ko chorney par afsos ke hawalay se poocha gaya to un ka kehna tha ke har film kisi na kisi ki qismat mein likhi hoti hai aur main samjhta hon ke jis behtar andaaz se Sunjay Dutt ny muna bhai ke kirdaar ko nibhaya, mein is terhan se yeh kirdaar nahi kar sakta tha, Sanjay Dutt ny film mein zabardast adakari ki thi.
Films ki shooting ke douran lagnay wali choton aur phir surgeries ke hawalay se pouchye gaye sawal par ShahRukh Khan ka kehna tha ke poooray carrier ke douran mein ny mukhtalif choton ke baais 9 se 10 surgries karwaen aur abhi bhi mujhe apni injuries ke tankay khulwane ke liye jana hai..
0 comments: