Mausam-e-Garma ka laziz aur Farhat bakhash phal kharbuza na sirf insani jism ki nashonuma ke liye zururi hai balkay yeh mukhtalif bimarion se hifazat mein bhi aik mazboot dhaal ki hesiyat rakhta hai.
Yeh phal 95% taq mukhtalif vitamins aur minerals ka majmuoa hai. Kharbuze mein qudrati tor par vitamin A, C, C ke ilawa phosphorus aur calcium jaisay protein bhi shaamil hotay hain. Aik kharbuze mein 15mg Calcium, 25mg phosphorus, 0.5mg iron, 34mg vitamin C, 640 mg vitamin A aur 0.03mg vitamin B-one hota hai. Yahan hum aap ko is ke 6 barray fawaid ke barey mein batain ge.
Maiday ki Tezabiyat ka Khatama: kharbuze mein pani ki miqdaar bohat ziyada hoti hai, jo nizaam inhizam ke liye nihayat mufeed hai. Is mein shaamil minerals maiday ki tezabiyat ke khatame mein ache saabit ho satke hain.
Cancer ka Ilaaj: kharbuze mein shaamil crotenite Nami protein cancer se bachayo ki qudrati dawai hai aur lungs ke cancer ke khatraat ko bohat had taq kam kar deta hai. kharbuza cancer ke un beejon ko hi maar deta hai, jo baad main insani jism par mazbooti se hamla aawar ho satke hain.
Heart Attack se Bachao: kharbuze mein shaamil aik khaas jazo ( idoine ) khoon ke khulion ko jamnay nahi deta aur agar aisa nah ho to yeh cheez baad azan heart attack ke imkanaat barha deti hai. Kharbuze jism mein khoon ki gardish ko mamool par rakhta hai, jis se heart attack ya stroke jaisi bimarion ke imkanaat nihayat kam ho jatay hain.
Jildi Sehat: Jildi sehat ki barkarai aur behtari ke liye kharboza nihayat umdah ghiza hai. Kharbuze mein shaamil protein jild ko na sirf khobsorat-o-mulaem banatay hain, balkay jildi bimarion se hifazat bhi karte hain.
Gurday ke Amraaz Mein Mufeed: kharbuze ka istemaal gurdon ko saaf karta hai aur gurday mein jami hui kasaf-ton ko bhi door kar deta hai. aur agar kharbuze ko lemoo ke sath mila kar istemaal kya jaye to yeh uric acid jaisi takleef mein bhi arram pohanchata hai.
Seenay ki Jalan: 90% pani par mushtamil yeh phal seenay ki jalan mein bhi akseer ki hesiyat rakhta hai
0 comments: