CAPE TOWN: Watan-e-Aziz mein is terhan ke waqiyat to aap ney sunay hi hon ge rishte na dainay ya mohabbat mein nakami par larke ney larki par tezaab phenk diya ya usay qatal kar daala lekin hum jo aap ko bitanay walay hain, shayad aap is par yaqeen na karen lekin yeh haqeeqat hai ke South Africa mein haasid aashiq apni Sabiqa mehbooba ke mehboob ko na sirf qatal kiya, balkay is ka dil bhi nikaal kar chaba dala.
South Africa ke police hakkaam ka kehna hai ke Zimbabwe se talluq rakhnay wale 1 shakhs ko cape town se girftar kiya gaya hai, jis ney apni Sabiqa mehbooba ke 62 sala naye mehboob ko churiyon ke waar karkay qatal kar diya, jab ke haasid aashiq ke dil ko apne raqeeb ko maarny ke baad bhi thandak na pari ke aur woh intiqam ki aag mein is hadd taq pagal tha ke is ka dil nikaal kar chaba dala, shayad zalim ney yahi socha hoga ke is ki Sabiqa mehbooba is ke isi dil mein bastii hai.
Police ka kehna hai ke yeh waqiya intahi afsos naak hai jab ke mulzim ko monday ko adalt mein paish kiya jaye ga jahan woh khud par lagaye gaye ilzamaat ka jawab day ga..
0 comments: